Archive for May, 2015

Эртэч монгол

үзэх

“Эртэч Монгол” уулзалтын агуулга:

  • Гэгээрлийн цаг – “Эх оронч үзэлтэй, ёс суртахуунлаг байж манлайлан оролцох нь” гэсэн агуулгаар ажил амьдрал, хийсэн бүтээсэн үйлээрээ олон түмэнд хүлээн зөвшөөрөгдөн, хайр, хүндэтгэлийг нь хүлээсэн хүндтэй зочид уригдан илтгэл тавина.
  • Мэдээлэл солилцох цаг – илтгэлтэй холбоотой асуулт асууж, ярилцах
  • Илтгэлийн гол агуулгыг амьдралдаа хэрэгжүүлэх уриалга гаргах

Энэхүү уулзалтыг 14 хоногт нэг удаа өглөө 06.30-08.00 цагт тогтмол зохион байгуулж байна. Нийгмийн салбар бүрийн удирдагчид, манлайлагчид, идэвхтнүүдийг өргөнөөр оролцуулдаг бөгөөд тэдний нийгмийн сайн сайхны төлөөх идэвхтэй оролцоог дэмжин, салбар бүртээ хэрхэн үр дүнтэй хамтран ажиллах талаар мэдээлэл, туршлага солилцох, бие биенээсээ суралцах чиглэлд явагддаг.

“Эртэч Монгол” аяны агуулга

1 дэх өдөр:

Аяны нээлт-Тухайн сургууль дээр өглөө 07.00 цагт болно. Ард түмнийхээ хүндэтгэл талархлыг хүлээж, үлгэр дуурайл болсон хүмүүсийн амьдралын туршлага, эрдэмтэн мэргэдийнхээ судалгаа шинжилгээний нөр их ажлын дүнд олж хуримтлуулсан мэдлэг, мэдээллийг залуу хойч үеийнхэндээ өвлүүлэн үлдээх зорилгоор ахмад үеийн хүндтэй хүмүүсийг урьж оролцуулна. “Эртэч Монгол” аяны талаарх 10 минутын видео бичлэг үзүүлж, аяны талаар зохион байгуулагч талууд болон тухайн сургуулийн удирдлагын зүгээс танилцуулга хийнэ.

2 дахь өдөр:

‘Эрт босвол нэгийг дуулна”-Эрт босохын ач тусыг харуулсан хэлц үг, сургаал, сургамжитжишээ, туршлагыгхаруулсан буланг сургууль болон ангидаа байгуулж, тухайн буланг танилцуулах ярилцлага, хэлэлцүүлгийг анги бүр дотроо өрнүүлэх

3 дахь өдөр:

“Эртэч Монгол багш, сурагчид” лекц-Монгол тэмүүлэл-

Сайхан Монгол орон ТББ-аас өглөө 06.30 цагт уншина. Нийт

багш, сурагчид, эцэг эхийн төлөөлөл оролцоно.

4 дэх өдөр:

Муу зуршлаас салж, сайныг дэлгэрүүлэх өдөр- Өнөөдөр нийгэмд хүмүүс хоорондын харилцаанд хамгийн доголдолтой байдаг зүйл бол өөрийнхөө бурууг хүлээж, бусдаас уучлал хүсэх явдал билээ. Миний буруу, уучлаарай гэдэг үгийг хэрэглэн заншвал хувь хүн өөрийнхөө хэлэх үг, хийх үйлдлээ дүгнэн шинжиж, хүмүүс хоорондын харилцаандаа таагүй, сэтгэл гонсойлгосон алдаатай үйлдэл хийхгүй байхад нөлөөлнө. Сайн явах санааных гэдэг. Сайн явахад хүнд хэр зэрэг цагаан сэтгэлээр хандаж, талархан баярлаж явахаас бас шалтгаална. Тиймээс бусдыгхүндэтгэх, өөрийгөө дүгнэн цэгнэх, бусадтай эелдэг боловсон харилцах ёс суртахууны соёлыг төлөвшүүлэхэд “Муу зуршлаас салж, сайныг дэлгэрүүлэх өдөр” чухал үр нөлөөтэй үйл ажиллагаа байна. “Уучлал, талархал”- ийн шуудангийн хайрцгийг аяны 2 дахь өдөр сургууль болон ангидаа байрлуулсан байна. Сурагчид бие биенээ болоод багш нар, эцэг эх, найз нараа гомдоож, таагүй харилцаж байсан бол уучлалт гуйх, мөн хэн нэгэнд хэлж амжаагүй талархсан сэтгэлээ илэрхийлэх захидал бичин “Уучлал, талархал’’-ийн шуудангийн хайрцагт хийсэн байна. Энэ хайрцгийг аяны 4 дэх өдөр задалж, захиа хүлээн авагч эздэд хүргэж өгнө. Энэхүү өдрийг дүгнэж ангидаа уучлал, талархлын талаар халуун яриа, хэлэлцүүлэг өрнүүлнэ.

5 дахь өдөр:

Хүндэтгэлийн лекц- Хаалтын үйл ажиллагаа: Ахмадын сургаал алт гэсэн үг байдаг. “Эртэч Монгол” 7 хоногийн аяны хүрээнд ахмад үеийнхнийхээ амьдралын туршлага, мэдлэгээс суралцах Хүндэтгэлийг лекцийг өглөө 06.30 цагт сонсоно. Аяны үр дүнг дүгнэж, сургуулийн удирдлага, багш нар, сурагчид сэтгэгдлээ ярина. “Эртэч Монгол” аяныг үргэлжпүүлэн сургууль дээрээ өрнүүлэн явуулах уриалга гаргах: Үүнд багш, ажилчдын уулзалтаа 7 хоногийн аль нэг өдрийн өглөө хийж занших, 2 долоо хоногт нэг удаа “Эртэч Монгол” өглөөлгийг сурагчид, эцэг эхчүүдийн дунд зохион байгуулж занших гэх зэрэг.

Энэ удаад бид “Эртэч Монгол ” уул залтанд уригдсан 24 хүндтэй зочны олон түмэнд толилуулсан илтгэлүүдийг эмхэтгэн, “Эртэч Монгол” номын II цувралыг ард түмнийхээ гэгээрлийн санд нэмэрлэн хүргэж байна. Энэхүү номны хэвлэлтийн зардлыг ивээн тэтгэсэн “Боловсролд ээлтэй” Номин Холдинг ХХК- ийн хамт олон гүн талархал илэрхийлье! Монгол ажил хэрэгч хүн Та “Эртэч Монгол” номоо амтархан уншиж, номонд шингэсэн сургамжтай сайхан санаа, туршлагуудаас санаа аван, ажил амьдралдаа хэрэгжүүлж, ард түмнээ манлайлан дагуулахыг хүсье.

Номын цагаан буян арвижин дэлгэрэх болтугай.

Монгол тэмүүлэл-Сайхан Монгол орон” ТББ

Facebook: Ertech Mongol

И-мэйл: mongoldream2015@gmail.com

Цахим хичээлүүд

Сэдэв “Амьд ба амьгүй биеийн хөдөлгөөн” 5-р анги :багш Д.Энхцэцэг Үзэх

Сэдэв “Монгол хэл” 2-р анги :багш Д.Энхцэцэг  Үзэх

Сэдэв ” дэлхийн уран зохиол” 11-р анги :багш Р.Сарантуяа Үзэх

Сэдэв “2 оронтой тоог нэгжид хуваах” 3-р анги :багш А.Буянцэцэг Үзэх

Сэдэв “Халх голын дайн” 9-р анги :багш Ц.Ариунаа Үзэх

Сэдэв “Эерэг сөрөг тоо” 4-р анги :багш Л.Золгэрэл Үзэх

Сэдэв “Шүлгээс төрсөн сэтгэгдлээ зурж дүрслэх” 5-р анги :багш Ж.Гэнэндулам Үзэх

Сэдэв “Газар зүй” 7-р анги :багш Л.Наранхүү Үзэх

Сэдэв “Орос хэлний нэгж хөтөлбөр” 7-р анги :багш Д.Мядагбадам Үзэх

Сэдэв “Хурууны дардсаар урлах нь ” 2-р анги :багш Ц.Отгондалай Үзэх

Сэдэв “Толболон зурах ” 2-р анги :багш Ц.Отгондалай Үзэх

Сэдэв “Bloom’s taxonomy -н аргыг ашиглах нь ” 4 өөс 5-р  анги :багш У.Баяржаргал Үзэх

Сэдэв “Гарц ба гэрлэн дохио” 2-р  анги :багш У.Баяржаргал Үзэх